Arbeitsblatt: Spielgeschichte Bewegung

D‘Schpiugschicht vom Schtichel em Schtachel Bi Schtichel stöh dChing uf Bi Schtachel höckle si häre! Es si emau zwöi frächi Igeli gsi. Dr Schtichel dr Schtachel. Si hei ke Luscht gha go Schnägge ds Sueche si viu lieber go luege, was angeri Tier eso mache. Im Garte hei si zersch dr Hund Hasso gfunge. Ar get gschlofe und dr Schtichel der Schtachel hei ne mit ihrne spitzige Schtachle id Schnouze pikkset. Dr Hasso macht ds lingge Oug uf, denn ds rächte und lueget dr Schtichel und dr Schtachel ganz bös aa. Em Schtichel isch es mulmig worde und är isch nach links wäg gschprunge, dr Schtachel isch grad uf die angeri Syte glüffe. Churz druf abe hei si dr dr Has Langohr troffe. Dr Schtichel und dr Schtachel hei mit ihm es Wettrenne gmacht. Dernah si si wyter glüffe und hei zwöi chlyni Ponys aatroffe. Dr Schtichel isch em einte Pony zwüsche de Bei düre gschprunge und dr Schtachel grad hinge nache. Das Pony het se grad mit em Schweif verjagt. Da si si zunere grosse Schafherde cho. Dr Schtichel het sech zunere Chugele zämegrollt und ischi eim Garacho uf die Schafherde zuegrugelet. Das het ihm dr Schtachel sofort nachegmacht. Hui hei die Schaf gmööget! Dr Schäfer isch cho zschpringe und het die zwöi Igeli uufläse und het se si Bütu (Beutel) packt. Zersch dr Schtichel un denn dr Schtachel. Dr Schäfer isch gäge Waudrand zueglüffe und het dr Stichel süferli uf Bode gleit und grad dernah dr Stachel no derzue. Erschöpft vo dene Abentüür si dr Schtichel und dr Schtachel wieder hei glüffe! Dört aacho si si beidi sofort ids Heu gschlüffe und erschöpft iigschlafe. Monika Zimmermann WK Kitu 13.10.12