Arbeitsblatt: Muttertagsvers

Massageversli zum Muttertag Liebs Mami, sitz jetzt do hi, das söll öpis ganz allei für dich sie. Muesch nöd nervös sii und au kei Angst ha, ich han lang güebt do dra. Was mach ich echt jetzt mit dir? Du wirsch echli verwöhnt vom mir. Das mach ich nämli so gern für dich, will du immer alles machsch für mich. Gib dini Hand mini Hand, ich massiere sie so guet ich chan. Villicht gfindsch du jo chli Rueh, mach wänd wotsch dini Auge zue. Eimal uf und eimal ab, eimal hin und eimal her, dini fine Händ massiere gfind ich gar nöd schwer. Eimal tätsche und eimal chreise, all mini Finger gönd uf Reise. Eimal fiin und eimal fescht, liebs Mami, du bisch halt einfach di Bescht!