Arbeitsblatt: Muttertagsgedichte

Muttertagsgedicht Mammi los mir gschwind ächli, strahl ich nid wi Sunneschy Mis Härzli pepperlet so froh, will dä Muetertag isch cho. Ich cha dir leider nid vil schänkä, aber fescht wett ich dir dankä, will du so ä gueti bisch und mir so viel Liäbi gisch. Muttertagsgedicht Oh Müeterli my liebi, was wär ich ohni di Ich wär äs chlises Blüemli, ganz ohni Sunneschy. Ich wär ä chlinä Vogel, wo nümme flüge mag. Oh liäbä gott tue schützä, mys Mueti jedä Tag. Ja immer möchte ich bliebä, din allerliebschti Schatz. Du hesch dis ganzä Läbä, Da mim Härzli Platz. Muttertagsgedicht bsundrigi Freud will ich dir schänkä, und all dis schaffä und liäbsii dänkä. Da im Schachteli hets viel schöni Sachä, diä will ich alli einisch für dich machä. Das sell dir sägä mis Härz isch di, ich will probierä immer ä Liäbi dsi. Ich will dir Dankä sägä jedä Tag, und wünsch dir hüt ä schöne Muetertag. Muttertagsgedicht Das chline Blüemli schänk ich dir, als Dankeschön vo mir. Für all diä Liäbi wo du üs gisch, fürs kochti Ässe uf em Tisch. Ganz eifach für all die Sache, wo du immer für üs tuesch machä. Ich wünschä dir ä schönä Muetertag, und Mammi, gäll du weisch wie fescht ich dich mag. Muttertagsgedicht Im Gartä äs Blüemli, am Himmel ä Stärn. Liäbs Mami, liäbs Mami, ich ha dich so gärn. Bisch sliäbscht uf dä Ärdä, du bisch halt min Schatz, im Härz mim chlinä, hesch du dä gröschti Platz. Muttertagsgedicht Mammi, wenn ich dich nid hätt, ja was müesst ich machä Weisch ich chönnt nid glücklich si, chönnt nümmä richtig lachä. Will du aber bi mir bisch, chan ich luschtig singe. Und ich tue dir zum Muetertag ä Glückschäfer bringe. Muttertagsgedicht Mammi, Mammi, nüd als Mammi tönts de lieb lang Tag im Huus. Eis will das, sander dises mängisch wirsch du fascht konfus. Mammi hindä, Mammi vorä, immer hesch dü eppis ztue. Du muesch chochä, putzä, flickä nid äs Stündli hesch du Rueh. Will du üs halt grüüsig gärn hesch, schaffsch für üs so mängi Stund. Spat am Abig süfzgisch lislig: Hauptsach isch ja, si sind gsund!