Arbeitsblatt: Mani Matter Texte

Mani Matter: Ds Lotti schilet Ds Lotti schilet, ds Lotti schilet, niemmer weis wos mit de Ouge häre zilet Ds Lotti schilet, ds Lotti schilet, drumm. Wie dr Al Capone, wo so vill weis früecher mal het gulte als Statsfind Nummer eis und mit sim Revolver als öffentlichi Gfahr isch das Meitschi gfährlech mit sim Ougepaar Ds Lotti schilet, ds Lotti schilet, niemmer weis wos mit de Ouge häre zilet Ds Lotti schilet, ds Lotti schilet, drumm. Wenn dir wüsst was Froueblicke mängisch chöi dass eim heiss im Chopf wird und zittrig ide Chnöi dänket wie das Lotti würkt uf die wos gseht äs mit jedem Ougeufschlag breicht geng zwe Ds Lotti schilet, ds Lotti schilet, niemmer weis wos mit de Ouge häre zilet Ds Lotti schilet, ds Lotti schilet, drumm. Wenns dür Strasse louft de geits de Manne schlächt hinterlaat verliebti links so guet wie rächts doppellöifig schiesst us Lottis Ougespiil Amor sini Pfiile übers Chrütz itz Ziil Ds Lotti schilet, ds Lotti schilet, niemmer weis wos mit de Ouge häre zilet Ds Lotti schilet, ds Lotti schilet, drumm. sisch es hübsches Meitschi das mues mer im laa aber we drs träffet, dänket doch de draa sisch de gliich es gfährlechs, gfährlechs Meiteli zwöi mal me no als es Froue süsch scho sii Mani Matter: löu, blöde siech, glünggi un sürmu (oder: schimpfwörter sy glückssach) löu, blöde siech, glünggi un sürmu hei einisch zäme krach gha, es risegrosses gstürm, wüu dr glünggi het zum löu gseit, är syg blöde siech und dä isch sofort zum sürmu, was ja nid jede miech und er het ihm das verzellt und gseit dr glünggi syg sürmu dr sürmu hets em glünggi gseit dä macht druus es gstürm verzellts em blöde siech, wo dä drvo het ghört het er gseit zum löu, är syg löu, und das het dise gstört und er hout em blöde siech eis um dohre, dass es blüetet dr glünggi louft drzue gryft jitz ou no u wüetet dr sürmu dr glünggi dr löu dr blöd siech hei di ganzi nacht lang gschleglet bis am andere morge früech Mani Matter: Dr Alpeflug Sy zwee Fründen im ne Sportflugzüg En Alpeflug ga mache Flügen ufe zu de Gipflen und Zdürab de Gletscher nache Hinde sitzt dr Passagier Dä wo stüüret, dä sitzt vor Und es ratteret und brummet Um sen ume dr Motor Da rüeft dä, wo hinde sitzt: Lue, ds Bänzin geit us, muesch lande! Wie? Was seisch? rüeft dr Pilot Los, ha di nid verstande Wie? Was hesch gseit? rüeft dä hinde Warum landisch nid sofort? Red doch lüter, rüeft dä vorne Bi däm Krach ghör kes wort versta nid, rüeft dä hinde Warum machsch nid? Bisch drgäge? versta nid, rüeft dä vorne Muesch mer würklech lüter säge! Wie? Was seisch? rüeft dise, lue Dr Tank isch läär, du flügsch nümm wyt! Los, bi däm Mordstonnerslärme Rüeft dä vorne, ghör nüt Aber los doch, rüeft dä hinde Gottfridstutz mir hei nid dWeli Tue nid ufgregt, rüeft dä vorne Red doch lüter, gottverteli! Los, rüeft dise, we mir jitz nid lande Gheie mir ds Tal! Ghöre gäng no nüt, rüeft äine Los begryf doch das emal! So het im Motorelärme Dr Pilot halt nid verstande Dass ihm jitz ds Bänzin chönnt usga Und dass är sofort sött lande Da uf ds mal wird plötzlech still Nämlech wil ds Bänzin usgeit Und jitz wo me hätt verstande Hei si beidi nüt meh gseit Mani Matter: Dr Wecker leider geit ir nacht my wecker immer füf minute vor lütet mir drum jede morge füf minute zfrüech is ohr aber wen net am abe füf minute hinder tät wär drum de bim i-ds-bett-ga wider füf minute zpät syg am abe, syg am morge snimmt mehr füf minute pfuus füf minute sy nid vil, doch mit der zyt macht öppis us zwölf tag isch da stund und drei monet schon nacht won wäg däm blöde wecker schliesslech schlaflos hät verbracht ha sorge wäg myr gsundheit uswäglos isch dituation zletscht han ig dr wecker furtggäh sider weckt my ds telefon Mani Matter: DPsyche von dr Frou Liebi Luet wer git mer Uskunft vo dr Psyche vo dr Frou ha se jahrelang studiert doch verstah se nit genau weiss nit wi-e si funktioniert has scho mengisch usprobiert und de merke ich de immer dass vo de Frouezimmer einfach nit blasse Schimmer, nit blasse Schimmer ha! Mengisch tue sie eim umarme überchömme gar nit gnue un scho füf Minute spöter chere sie eim de Rücke zue und denn wött obbe gar dängge sig jezz nüt mehr zha un denn merke de immer dass vo de Frouezimmer einfach nit blasse Schimmer, nit blasse Schimmer ha! Denn scho kuum isch mer zum Huus us schtöi si süfzend hinder eim sägge nei du derfsch nit go suscht hani zNacht no bösi Träum und wennd druf denn no chli blibsch heisst wie DO gäng überdribsch! un denn merke de immer dass vo de Frouezimmer einfach nit blasse Schimmer, nit blasse Schimmer ha! Mani Matter: Hemmige Sgit Lüt, die würdet alletwäge nie Es Lied vorsinge, so win ig jitz hie Eis singe um kei Priis, nei bhüetis nei Wil si Hemmige hei Si wäre vilicht gärn im Grund gno fräch Und dänke, das syg ires grosse Päch Und slaschtet uf ne win schwäre Stei Dass si Hemmige hei weis, das macht eim heiss, verschlat eim dStimm Doch dünkt eim mängisch syg nüt so schlimm Sisch glych es Glück, we mirs gar nid wei Das mir Hemmige hei Was unterscheidet dMönsche vom Schimpans Sisch nid die glatti Hut, dr fählend Schwanz* Nid dass mir schlächter dBöim ufchöme, nei Dass mir Hemmige hei Me stell sech dManne vor, wenns anders wär Und schäm es hübsches Meiteli derhär Jitz luege mir doch höchstens chly uf dBei Wil mir Hemmige hei Und we me gseht, was hütt dr Mönschheit droht So gseht me würklech schwarz, nid nume rot Und was me no cha hoffen isch alei Dass si Hemmige hei