Arbeitsblatt: Mani Matter Alpeflug

Dr Alpeflug // Mani Matter Strophe 1 (alle zusammen) Es sy zwee Fründen im ne Sportflugzüg En Alpeflug ga mache Flügen ufe zu de Gipflen und Zdürab de Gletscher nache Hinde sitzt dr Passagier Dä wo stüüret, dä sitzt vor Und es ratteret und brummet Um sen ume dr Motor Strophe 2 (abwechselnd) 1.) Da rüeft dä, wo hinde sitzt: Lueg, ds Bänzin geit us, muesch lande! 2.) Wie? Was seisch? rüeft dr Pilot Los, ha di nid verstande 1.) Wie? Was hesch gseit? rüeft dä hinde Warum landisch nid sofort? 2.) Red doch lüter, rüeft dä vorne Bi däm Krach ghör kes wort Strophe 3 (abwechselnd) 1.) versta nid, rüeft dä hinde Warum machsch nid? Bisch drgäge? 2.) versta nid, rüeft dä vorne Muesch mer würklech lüter säge! 1.) Wie? Was seisch? rüeft dise, lue Dr Tank isch läär, du flügsch nümm wyt! 2.) Los, bi däm Mordstonnerslärme Rüeft dä vorne, ghör nüt Stophe 4 (abwechselnd) 1.) Aber los doch, rüeft dä hinde Heimatland mir hei nid dWeli 2.) Tue nid ufgregt, rüeft dä vorne Red doch lüter, gottverteli! 1.) Los, rüeft dise, we mir jitz nid lande Gheie mir ds Tal! 2.) Ghöre gäng no nüt, rüeft äine Los begryf doch das emal! Stophe 5 (alle zusammen) So het im Motorelärme Dr Pilot halt nid verstande Dass ihm jitz ds Bänzin chönnt usga Und dass är sofort sött lande Da uf ds mal wird plötzlech still Nämlech wil ds Bänzin usgeit Und jitz wo me hätt verstande Hei si beidi nüt meh gseit