Arbeitsblatt: Jöggeli wott go Birli schüttle

Joggeli söll ga Birli schüttle Es schickt dr Herr dr Joggeli us er söll go Birli schüttle. Joggeli wott nid Birli schüttle, d Birli wei nid falle. Do schickt de Meischter Hündli us, es söll de Joggeli bisse. Hündli wott nid Joggeli bisse, Joggeli wott nid Birli schüttle, Birli wei nid falle. Do schickt de Meischter Chnebeli us, es söll go Hündli haue. Chnebeli wott nid Hündli haue, Hündli wott nid Joggeli bisse, Joggeli wott nid Birli schüttle, Birli wei nid falle. Do schickt de Meischter Fürli us, es söll go Chnebeli brönne. Fürli wott nid Chnebeli brönne, Chnebeli wott nid Hündli haue, Hündli wott nid Joggeli bisse, Joggeli wott nid Birli schüttle, Birli wei nid falle. Do schickt de Meischter Wässerli us, es söll go Fürli lösche. Wässerli wott nid Fürli lösche, Fürli wott nid Chnebeli brönne, Chnebeli wott nid Hündli haue, Hündli wott nid Joggeli bisse, Joggeli wott nid Birli schüttle, Birli wei nid falle. Do schickt de Meischter Chälbli us, es söll go Wässerli sufe. Chälbli wott nid Wässerli sufe, Wässerli wott nid Fürli lösche, Fürli wott nid Chnebeli brönne, Chnebeli wott nid Hündli haue, Hündli wott nid Joggeli bisse, Joggeli wott nid Birli schüttle, Birli wei nid falle. Do schickt de Meischter de Metzger us, er söll go Chälbli stäche. Metzger wott nid Chälbli stäche, Chälbli wott nid Wässerli sufe, Wässerli wott nid Fürli lösche, Fürli wott nid Chnebeli brönne, Chnebeli wott nid Hündli haue, Hündli wott nid Joggeli bisse, Joggeli wott nid Birli schüttle, Birli wei nid falle. Do goht de Meischter sälber us und foht räsonniere. Metzger wott jetz Chälbli stäche, Chälbli wott jetz Wässerli sufe, Wässerli wott jetz Fürli lösche, Fürli wott jetz Chnebeli brönne, Chnebeli wott jetz Hündli haue, Hündli wott jetz Joggeli bisse, Joggeli wott jetz Birli schüttle. Birli wei jetz falle!