Arbeitsblatt: Ahneforschig

Ahneforschig Bärnhard Matter für mi sälber mir zerkläre bin mal mym stammboum na ha vo undre zweige här chly die nuss probiert zverstah wär da alles mir verwandt isch han gluegt, us quelle gschöpft numen eine wo bekannt isch worde gits: dä hei si gchöpft drü- viermal het me ne gfange het ne ds gricht ds gfängnis gsteckt aber är, sisch nid lang gange het fluchtwäg gäng usgheckt die diät vo brot und wasser het er ungärn zue sech gno und het alls dra gsetzt für dass er in bessri peiz isch cho sisch dr gouner bärnhard matter us em aargou win ig wen nid my urgrossvatter urgrossungglen allwäg scho dä het da vor hundert jahre üsem gschlächt wäg bestimmt win jitz ersch ha erfahre dass eim nüt meh wundernimmt das het müesse ds gricht verdriesse es het zletscht befähl erla nid die gfängnis besser zbschliesse nei däm schelm dr chopf abzschla ds halben aargou isch cho gschoue win es schwärt dr oberscht bitz vo mym vorfahr het abghoue wi vom weichen ei dr spitz är het sym läbe gstole was im isch id finger cho und was nid isch cho ga zhole het är gärn dmüe uf sech gno isch gar mängisch znacht ydrunge dür ne hüenerstall ds hus und isch mit zwo gröikte zungen und zäh gulddukate drus drumm chan nüt garantiere wass us mir no alles git scha no mängs mit mir passiere denn da spilt dvererbig mit und we dir ds gfüel heit dertdüre chönn nech sicher nüt ebcho schunnt uf ds mal en unggle füre wo dir nüt heit gwüsst dervo schunnt uf ds mal en unggle füre wo dir nüt heit gwüsst dervo