Arbeitsblatt: Mani Matter - bim coiffeur

Mani Matter Bim coiffeur bim coiffeur bin gsässe vor em spiegel, luege dry und gseh dert drinn spiegel wo ar wand isch vis-à-vis und dert drin spieglet sech dr spiegel da vor mir und däm spiegel widerum dr spiegel hindefür und so geng wyter, sisch gsy win länge korridor däm my chopf gwüss hundertfach vo hinden und vo vor isch ufgreit gsy eier kolonne, zhinderscht isch dr chopf ha ne nümme gchennt, so chly gsy win gufechnopf my chopf, dä het sich dert ir wyti, stellet öich das vor verloren ir unäntlechkeit vom länge korridor ha mi sälber hinde gseh verschwinde, ha das gseh am heiterhälle vormittag und wi we nüt wär gscheh vor chlupf han mys muul ufgscperrt, da sy im korridor grad hundert müüler mit ufgange win männerchor männerchor us mir alei, es cheibe gspässigs gfüel es metaphysischs grusle het mi packt im coiffeurgstüel ha derviette vo mer grissen, ungschore sofort das coiffeurgschäft verla mit paar entschuldigende wort und wenn dir findet sött chly meh zum coiffeur ga de chöit dir jitz verstah warum da hemmig ha